Valur sótti tvö stig í heimsókn sinni til KA/Þórs í KA-heimilið í dag, 23:20, í viðureign liðanna í Olísdeild kvenna. Sigurinn færði Val á ný upp að hlið ÍBV í efsta sæti Olísdeildar. Hvort lið hefur 24 stig eftir 14 leiki. KA/Þór er í fimmta sæti með 10 stig.
Valur var með yfirhöndina í leiknum frá upphafi. Ungt lið KA/Þórs var þó aldrei langt undan. Aðeins var eins marks munur í hálfleik, 13:12. Undir lokin reynd KA/Þórsliðið hvað það gat til að jafna metin en tókst það ekki. Minnstur var munurinn tvö mörk, Val í vil.
Mörk KA/Þórs: Ida Margrethe Rasmussen 7, Anna Þyrí Halldórsdóttir 3, Unnur Ómarsdóttir 3, Nathalia Soares Baliana 2, Lydía Gunnþórsdóttir 2, Rut Arnfjörð Jónsdóttir 1, Hildur Lilja Jónsdóttir 1, Júlía Björnsdóttir 1.
Varin skot: Matea Lonac 12/1, 34,3%.
Mörk Vals: Thea Imani Sturludóttir 8, Mariam Eradze 6, Þórey Anna Ásgeirsdóttir 2/1, Elín Rósa Magnúsdóttir 2, Hildigunnur Einarsdóttir 2, Auður Ester Gestsdóttir 1, Sara Dögg Hjaltadóttir 1, Sigríður Hauksdóttir 1.
Varin skot: Hrafnhildur Anna Þorleifsdóttir 8/1, 28,6%.
Staðan í Olísdeild kvenna.
