- Auglýsing -
- Auglýsing -
- Auglýsing -

Valur vann Reykjavíkurslaginn með 10 marka mun

Ágúst Þór Jóhannsson þjálfari Vals ræðir við leikmenn sína. Mynd/Egill Bjarni Friðjónsson
- Auglýsing -

Valur vann öruggan sigur á Fram í Reykjavíkurslagnum í Olísdeild kvenna í handknattleik í kvöld á heimavelli Vals, 30:20. Valur hafði sex marka forskot að loknum fyrri hálfleik, 16:10. Þetta var níundi sigur Vals í röð í Olísdeildinni en með honum var bundinn endi á sex leikja sigurhrinu Fram.

Þar með hefur Valur fjögurra stiga forskot í efsta sæti deildarinnar, 28 stig eftir 15 leiki. Haukar, sem lögðu Stjörnuna á miðvikudagskvöld, eru í öðru sæti með 24 stig. Fram er fjórum stigum þar á eftir.

Aftur og enn er það góð markvarsla og varnarleikur sem Valur hefur fram yfir önnur lið deildarinnar þegar á hólminn er komið. Hafdís Renötudóttir markvörður Vals var fyrrverandi samherjum sínum erfið. Hún varð 11 skot, 44%, þann tíma sem hún stóð á milli stanganna. Sara Sif Helgadóttir var einnig öflug þann tíma sem hún stóð vaktina.

Fram hélt í við Val framan af fyrri hálfleik. Eftir það var aldrei verulega spenna í viðureigninni í N1-höllinni.

Staðan og næstu leikir í Olísdeildunum.

Mörk Vals: Hildigunnur Einarsdóttir 6, Lilja Ágústsdóttir 5, Thea Imani Sturludóttir 5, Þórey Anna Ásgeirsdóttir 4/3, Elín Rósa Magnúsdóttir 4, Ásdís Þóra Ágústsdóttir 3, Ágústa Rún Jónasdóttir 1, Guðrún Hekla Traustadóttir 1, Sigríður Hauksdóttir 1.
Varin skot: Hafdís Renötudóttir 11, 44% – Sara Sif Helgadóttir 3, 33,3%.
Mörk Fram: Alfa Brá Hagalín 6, Berglind Þorsteinsdóttir 5/4, Kristrún Steinþórsdóttir 3, Elna Ólöf Guðjónsdóttir 2, Sóldís Rós Ragnarsdóttir 1, Þórey Rósa Stefánsdóttir 1, Harpa María Friðgeirsdóttir 1, Valgerður Arnalds 1.
Varin skot: Ethel Gyða Bjarnasen 8, 26,7% – Ingunn María Brynjarsdóttir 2, 20%.

Öll tölfræði leiksins hjá HBStatz.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -