- Auglýsing -
- Auglýsing -
- Auglýsing -

Valur vann þriðja leikinn og leikur til úrslita

Ágúst Þór Jóhannsson þjálfari Vals gefur skipanir. Mynd/Egill Bjarni Friðjónsson
- Auglýsing -

Valur leikur til úrslita um Íslandsmeistaratitilinn í handknattleik kvenna á næstu vikum eftir að hafa lagt ÍBV í þrígang í undanúrslitum. Þriðji og síðasti sigurinn var innsiglaður í kvöld á Hlíðarenda, 30:22. Enn liggur ekki fyrir hvort andstæðingur Vals verði Haukar eða Fram. Hugsanlega skýrist það á morgun þegar Framarar og Haukar mætast þriðja sinni.

Valur var marki yfir í hálfleik, 12:11, á heimavelli í kvöld. ÍBV komst yfir snemma í síðari hálfleik, 13:14, og virtist ætla að sauma að Valsliðinu. Sú varð ekki raunin. Valsliðið svaraði með fimm mörkum í röð, 18:14. Aftur nálgaðist Eyjaliðið en varð ekki kápan úr klæðinu. Um leið og ÍBV ógnaði tók Valsliðið af skarið. Upp úr miðjum hálfleik var forskot ÍBV orðið fimm mörk og staðan orðin harla erfið.

Mörk Vals: Elín Rósa Magnúsdóttir 6, Lilja Ágústsdóttir 6, Þórey Anna Ásgeirsdóttir 6, Thea Imani Sturludóttir 6, Ásdís Þóra Ágústsdóttir 2, Morgan Marie Þorkelsdóttir 2, Anna Úrsúla Guðmundsdóttir 1, Hildigunnur Einarsdóttir 1.
Varin skot: Hafdís Renötudóttir 8, Sara Sif Helgadóttir 5.
Mörk ÍBV: Birna Berg Haraldsdóttir 7, Karolina Olszowa 4, Sunna Jónsdóttir 4, Þóra Björg Stefánsdóttir 4, Hrafnhildur Hanna Þrastardóttir 1, Elísa Elíasdóttir 1, Ásdís Guðmundsdóttir 1.
Varin skot: Marta Wawrzykowska 11.

Handbolti.is var á Hlíðarenda og fylgdist með leiknum í textalýsingu hér fyrir neðan.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -