- Auglýsing -

Valur veltir Fram úr sessi

Valur þykir sigurstranglegur í Olísdeild kvenna þegar upp verður staðið. Mynd/Egill Bjarni Friðjónsson

Valur mun velta Fram úr sessi og verða Íslandsmeistari kvenna í handknattleik á næsta vori, gangi spá þjálfara og fyrirliða liðanna í Olísdeild kvenna eftir. Mjótt verður á mununum en fleiri telja að Valur, undir stjórn Ágústs Þórs Jóhannssonar, verði Íslandsmeistari í handknattleik kvenna 2023 eftir fjögurra ára bið eftir titlinum.


Gangi vonir manna eftir hafnar ÍBV í þriðja sæti og Stjarnan í því fjórða. KA/Þór og Haukar komast einnig í úrslitakeppnina ef þessi niðurstaðan verður raunin. A.m.k. þriðja árið í röð komi sjöunda og næst neðsta sætið í hluta HK. Nýliðum Selfoss er spáð falli en litlu munar á HK og Selfossi.


Eins og áður sagði þá er þetta niðurstaða af spá sem meira er til gamans gerð en niðurstaðan var kynnt á kynningarfundi Olísdeildanna í hádeginu í dag.


Röðin er þessi:
1. Valur 140 stig.
2. Fram 134 stig.
3. ÍBV 113 stig.
4. Stjarnan 90 stig.
5. KA/Þór 73 stig.
6. Haukar 58 stig.
7. HK 33 stig.
8. Selfoss 31 stig.


Fyrsta umferð Olísdeildar kvenna, 15., 16., og 17. september:
Stjarnan – Fram.
Valur – Haukar.
ÍBV – KA/Þór.
HK – Selfoss.


Leikjadagskrá Olísdeildar kvenna.

- Auglýsing -
- Auglýsing -

Nýjustu fréttir

- Auglýsing -