„Við breytum ekki mörgu fyrir síðari leikinn. Fyrst og fremst er stefnan að gera margt betur en í fyrri leiknum við Grikki,“ segir Kristján Örn Kristjánsson, Donni, landsliðsmaður í handknattleik sem var markahæstur ásamt Óðni Þór Ríkharðssyni í fyrri viðureigninni við Grikki í undankeppni EM. Donni og félagar verða í eldlínunni í Laugardalshöll í dag í síðari viðureigninni við Grikki. Flautað verður til leiks klukkan 16.
„Ég fæ fleiri tækifæri til þess að sýna að ég á heima í landsliðinu. Þess utan fáum við ekki mörg tækifæri til þess að leika fyrir framan fulla höll af áhorfendum. Við verðum að njóta þess og sjúga í okkur stemninguna,“ segir Donni ennfremur í samtali við handbolta.is.
„Við eigum að vinna þesa gæja á tánum á grasvelli svo lengi sem leikið er undir sömu reglum.
Verkefnið er að vinna og ná í tvö stig, hvort sem við vinnum með einu marki eða fimmtán,“ segir Kristján Örn Kristjánsson, Donni.
Lengra viðtal er við Donna í myndskeiði hér fyrir ofan.
