- Auglýsing -

Verður áfram í herbúðum Stjörnunnar

Anna Karen Hansdóttir, leikmaður Stjörnunnar. Mynd/Stjarnan

Anna Karen Hansdóttir hefur framlengt samning sinn við Stjörnuna. Hún kom til félagsins á síðasta sumri frá Danmörku þar sem hún er fædd og uppalin. Hún er systir Steinunnar Hansdóttur sem leikið hefur með íslenska landsliðinu og gekk nýverið til liðs við Skanderborg Håndbold.


Anna Karen var fastamaður í Stjörnuliðinu á tímabilinu en hún leikur í vinstra horni og skoraði 25 mörk í 14 leikjum Olísdeildarinnar.
Í Danmörku spilaði Anna Karen með Egebjerg IF, Skanderborg og síðast Horsens Handboldklub. Anna Karen hefur átt sæti í yngri landsliðunum.


„Anna Karen er ótrúlega efnileg og metnaðarfull stelpa. Leggur sig alltaf 100% fram og leitast eftir því að bæta sig á hverri æfingu. Við erum rosalega ánægð að hafa fengið hana til liðs við okkur og að hún vilji vera áfram hjá okkur“ segir Rakel Dögg Bragadóttir, þjálfari Stjörnunnar í tilkynningu frá handknattleiksdeildinni.

- Auglýsing -
- Auglýsing -

Nýjustu fréttir

- Auglýsing -