„Tékkar eru með gott lið, frábæran heimavöll þar sem reiknað er með miklum látum meðan leikurinn stendur yfir. Þetta verður krefjandi fyrir okkur en takist okkur að ná upp góðum leik þá getum við skilað tveimur stigum í hús,“ sagði Ýmir Örn Gíslason varnarmaðurinn sterki í íslenska landsliðinu í handknattleik í samtali við handbolta.is í gær en framundan er viðureign við Tékka í undankeppni EM Brno í Tékklandi í kvöld. Leikurinn hefst klukkan 19.15.
Ýmir Örn segir að lögð verður áhersla á það í varnarleiknum að auk samvinnu milli varnar og markvarða. „Á hvaða skot ætlum við að loka og með hvaða skotum ætlum við að lifa með. Það var það helsta sem við komumst að sameiginlegri niðurstöðu um á fundum fyrir leikina,“ sagði Ýmir Örn ennfremur en nokkur hefur verið rætt um hugsanlegar áherslubreytingar í varnarleik íslenska landsliðsins fyrir leikinn við Tékka í dag frá því verið hefur.
Ýmir Örn sagði menn þekkjast vel og það væri mikill kostur þegar undirbúningur væri jafn snarpur og raun er á núna, ein æfing og tveir til þrír fundir.
„Allir eru klárir í slaginn og spenntir fyrir leiknum við Tékka,“ sagði Ýmir Örn Gíslason landsliðsmaður í handknattleik í stuttu samtali við handbolta.is.
