- Auglýsing -
- Auglýsing -
- Auglýsing -

„Við eigum að vinna örugglega“

Þórey Rósa Stefánsdóttir landsliðskona í handknattleik. Ljósmynd/Hafliði Breiðfjörð
- Auglýsing -

„Þetta er leikur sem eigum að vinna og ætlum að vinna. Þar með tryggjum við okkur inn á EM,“ sagði hin þrautreynda landsliðskona Þórey Rósa Stefánsdóttir sem leikur sinn 136. landsleik í dag þegar íslenska landsliðið í handknattleik mætir landsliði Lúxemborgar í Centre sportif National d’COQUE í Lúxemborg. Viðureignin er liður undankeppni Evrópumótsins.

Viðureignin verður sú næst síðasta hjá báðum liðum í 7. riðli undankeppninnar og eins og Þórey Rósa sagði þá innsiglar íslenska landsliðið sér þátttökurétt í lokakeppni EM með sigri.

„Þetta er skyldusigur þótt landslið Lúxemborgar hafi eitthvað sótt í sig veðrið. Við eigum að vinna örugglega ef við verðum rétt stilltar þegar á hólminn verður komið,“ segir Þórey Rósa sem vill tengja leikina tvo saman, gegn Lúxemborg ytra og við Færeyjar heima á sunnudaginn. Með sigri í báðum leikjum hreppir íslenska liðið annað sæti í riðlinum.

Sýna hvar við stöndum

„Ég vil að við förum inn í leikina tvo með það að markmiði að vinna þá báða og sýna þar með ákveðinn klassa, setja standard á liðið. Sýna hvar við stöndum. Í báðum tilfellum verður um sýnda veiði en ekki gefna. Við verðum að vera einbeittar og hópurinn er samstíga enda höfum við verið mikið saman síðustu mánuði,“ sagði Þórey Rósa Stefánsdóttir í samtali við handbolta.is.

Leikur Lúxemborgar og Íslands hefst klukkan 16.45. Útsending frá viðureigninni verður hjá RÚV auk þess sem handbolti.is verður með textalýsingu.

Úrslit leikja í 7. riðli undankeppni EM:
Ísland – Lúxemborg 32:14 (19:7).
Svíþjóð – Færeyjar 37:20 (19:13).
Færeyjar – Ísland 23:28 (12:11).
Lúxemborg – Svíþjóð 17:39 (7:15).
Lúxemborg – Færeyjar 16:34 (9:16).
Ísland – Svíþjóð 24:37 (12:17).
Svíþjóð – Ísland 37:23 (18:11).
Færeyjar – Lúxemborg 39:21 (17:9).
Lúxemborg – Ísland, 3. apríl.
Færeyjar – Svíþjóð, 3. apríl.
Svíþjóð – Lúxemborg, 7. apríl.
Ísland – Færeyjar, 7. apríl.

Staðan:

Svíþjóð4400150:848
Ísland4202107:1114
Færeyjar4202116:1024
Lúxemborg400468:1440
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -