- Auglýsing -

Við ramman reip að draga

Elín Jóna Þorsteinsdóttir, leikur með danska úrvalsdeildarliðinu Ringkøbing Håndbold á næsta keppnistímabili. Mynd/Erik Laursen - aðsend

Landsliðskonurnar Elín Jóna Þorsteinsdóttir og Steinunn Hansdóttir léku báðar með Vendsyssel í dag þegar lið þeirra mætti Odense Håndbold í dönsku úrvalsdeildinni í handknattleik. Eins og við mátti búast þá var við ramman reip að draga hjá leikmönnum Vensdsyssel enda rekur annað liðið lestina í deildinni en hitt er í næst efsta sæti og var auk þess eitt af betri liðum Meistaradeildar kvenna á fyrri hluta leiktíðar.

Leikmenn Odense unnu með tíu marka mun, 29:19, á heimavelli eftir að hafa verið sjö mörkum yfir að loknum fyrri hálfleik, 15:8.

Steinunn skoraði þrjú mörk og með fullkomna skotnýtingu í leiknum. Elín Jóna var í marki Vendsyssel um það bil helming leiksins og varði sex skot, sem gerði liðlega 28% hlutfallsmarkvörslu.

Danska landsliðskonan Mia Rej, sem sló í gegn á EM í síðasta mánuði og var keypt til Odense á milli jóla og nýárs skoraði fjögur mörk. Þá var markvörður heimsmeistara Hollands, Tess Wester, með 37% hlutfallsmarkvörslu í marki Odense sem er í öðru sæti deildarinnar með 24 stig eftir 14 leiki, er stigi á eftir Esbjerg. Vendsyssel er neðst með eitt stig að loknum 13 leikjum.

- Auglýsing -
- Auglýsing -

Nýjustu fréttir

- Auglýsing -