- Auglýsing -
Danska úrvalsdeildarliðið Vendsyssel, sem Elín Jóna Þorsteinsdóttir, markvörður, og Steinunn Hansdóttir leika með tapaði í kvöld fyrir efsta liði deildarinnar, Odense Håndbold á heimavelli með átta marka mun, 33:25, eftir að hafa verið marki undir að loknum fyrr hálfleik, 13:12.
Elín Jóna varði 9 skot, var með 26% hlutfallsmarkvörslu í leiknum. Meðaltal hennar yfir leiktíðina er tæp 33%. Steinunn skoraði tvö mörk í fjórum tilraunum.
Vendsyssel er fallið úr deildinni en liðið kom upp úr 1. deild eftir síðasta keppnistímabil. Einni umferð er ólokið og hefur Vendsyssel þrjú stig. Lokaleikur liðsins verður á útivelli við Holstebro eftir viku.
- Auglýsing -