Greint var frá því á Facebooksíðu KA í hádeginu að Víðir Garði hafi gefið leik sinn við KA í 16-liða úrslitum bikarkeppni karla í handknattleik sem fram átti að fara á Akureyri í dag. Leikurinn átti upphaflega að fara fram klukkan 15 en var í morgun seinkað um tvær stundir vegna veðurs og ófærðar.
Ekki hefur borist tilkynning frá HSÍ vegna niðurfellingar leiksins en telja má víst að ekki sér farið með fleipur á Facebook-síðu KA.
KA er þar með komið í átta liða úrslit bikarkeppninnar ásamt Aftureldingu, Fram, Haukum, Herði, ÍR, Stjörnunni.
Einn leikur er eftir í 16-liða úrslitum bikarkeppninnar, viðureign ÍBV og Vals í Vestmannaeyjum klukkan 14 í dag. Ekki er annað vitað en leikurinn fari fram samkvæmt áætlun í Vestmannaeyjum.
Uppfært kl. 15.40: Tilkynning barst frá starfsmanni mótanefndar HSÍ þar sem staðfest er að Víðir Garði hafi dregið sig úr leik í bikarkeppni HSÍ.
