Viggó Kristjánsson og Andri Már Rúnarsson létu mikið að sér kveða með SC DHfK Leipzig í þýsku 1. deildinni í handknattleik þegar þeir mættu sína gamla liði, Stuttgart, á heimavelli í kvöld. Báðir hafa þeir áður leikir með Stuttgart. Viggó skoraði átta mörk, þar af tvö úr vítaköstum og Andri Már skoraði þrisvar í öruggum sigri SC DHfK Leipzig, 36:30. Rúnar Sigtryggsson er þjálfari Leipzig en hefur aldrei komið að málum hjá Stuttgart.
Andri Már er skráður með tvær stoðsendingar en Viggó eina. Domenico Ebner markvörður Leipzig var frábær. Hann varði 20 skot, 52%, á þeim rúmu 40 mínútum sem hann stóð vaktina.
Staðan var jöfn að loknum fyrri hálfleik, 15:15. Franz Semper skoraði einnig átta mörk fyrir Leipzig. Kai Häfner var markahæstur hjá Stuttgart með átta mörk.
Með sigrinum færðist Leipzig upp í 9. sæti deildarinnar eftir 13 umferðir sem hófst með þessari viðureign.
Bergischer HC tapaði fyrir Lemgo, 31:28. Arnór Þór Gunnarsson er aðstoðarþjálfari Bergischer sem er í 12. sæti. Arnór tók fram skóna og var í leikmannahópi liðsins um síðustu helgi. Hann lét það ógert að þessu sinni.
Stöðuna í þýsku 1. deildinni og í fleiri deildum Evrópu er að finna hér.
