Kvennalið Víkings sem vann sinn fyrsta leik á Íslandsmótinu í handknattleik kvenna í rúm tvö ár á síðasta sunnudag sýndu í kvöld að sá sigur var engin tilviljun því honum var fylgt eftir með öðrum sigri í kvöld á Fjölni-Fylki í Grill 66-deild kvenna þegar liðin mættust í Fylkishöllinni. Lokatölur voru, 27:22. Víkingur var tveimur mörkum yfir að loknum fyrri hálfleik.
Jafnræði var með liðunum í upphafi leiks en en Víkingur seig framúr og komust í 13:10 rétt fyrir lok fyrri hálfleiks. Leikmenn Fjölnis/Fylkis minnkuðu muninn rétt áður en fyrri hálfleikur var á enda.
Í seinni hálfleik juku leikmenn Víkings við forskot sitt jafnt og þétt og náðu sex marka forskoti, 24:18, um tíma.
Mörk Fjölnis-Fylkis: Kolbrún Anna Garðarsdóttr 6, Eyrún Ósk Hjartardóttir 5, Azra Cosic 4, Ada Kisicka 4, Anna Karen Jónsdóttir 3.
Mörk Víkings: Victoría Þorkelsdóttir 7, Helga Lúðvíka Hallgrímsdóttir 7, Kara Rúna Árnadóttir 5, Anna Þyrí Ólafsdóttir 4, Auður Brynja Sölvadóttir 3, Steinunn Birta Haralsdóttir 1.
Emelía Dögg Sigmarsdóttir varði 12 skot í marki Víkings.
Staðan í Grill 66-deild kvenna.
