Viktor Gísli Hallgrímsson og félagar í Nantes unnu efsta lið frönsku 1. deildarinnar, Montpellier, með eins marks mun í æsilega spennandi leik í Nantes í kvöld, 29:28. Þar með er toppbaráttan orðin galopin og alvöru þriggja liða barátta þegar sjö umferðir eru eftir. Nantes er með 39 stig en PSG og Montpellier 40 stig hvort.
Viktor Gísli var í marki Nantes meirihluta leiksins og varði átta skot, 26%. Þar af varði hann eitt vítakast. Théo Monar var markahæstur með sex mörk. Yanis Lenne skoraði sjö mörk fyrir Montpellier.
Hér má sjá myndskeið af þeirri kæti sem braust út þegar flautað var til leiksloka.
🔥🔥🔥🔥🔥🔥🔥
— HBCNantes (@HBCNantes) April 8, 2023
Cette fin de match#HBCNMHB pic.twitter.com/FkFXcIntxq
Donni skoraði fjögur
Kristján Örn Kristjánsson, Donni, skoraði fjögur mörk fyrir PAUC þegar liðið tapaði í heimsókn sinni til Dunkerque, 32:29. PAUC situr í 10. sæti af 16 liðum deildarinnar með 20 stig í 23 leikjum.
