- Auglýsing -
- Auglýsing -
- Auglýsing -

Viljum sýna úr hverju við erum gerðar

Elín Jóna Þorsteinsdóttir markvörður íslenska landsliðsins. Mynd/EPA
- Auglýsing -

„Við verðum að halda að halda áfram að spila okkur saman sem lið, taka upp þráðinn eftir HM-törnina þegar við fengum marga leiki saman á skömmum tíma. Nokkrar breytingar hafa orðið á hópnum sem tók þátt í HM. Þess vegna er gott að fá leiki strax til þess að nýir leikmenn fá tækifæri til þess að spila sig inn í okkar kerfi, jafnt í vörn sem sókn. Þetta er mjög mikilvægt fyrir úrslitaleikina í riðlinum í byrjun apríl,“ segir Elín Jóna Þorsteinsdóttir markvörður íslenska landsliðsins sem býr sig undir leikina við Svía í undankeppni Evrópumótsins.

Fyrri leikurinn við Svía verður á Ásvöllum í kvöld klukkan 19.30 og sá síðari fer fram í Karlskrona í Svíþjóð á laugardaginn. Eftir þá tekur við mánaðarhlé þangað til tveir síðustu leikir Íslands í 7. riðli undankeppninnar taka við, gegn Lúxemborg og Færeyjum. Frítt er inn á leikinn í kvöld í boði Arion banka.

Íslenska liðið stendur vel að vígi í 7. riðli undankeppninnar. Svíar eru með sterkasta lið riðilsins en það hafnaði í fjórða sæti á HM.

„Við förum að sjálfsögðu í leikina við Svía til þess að vinna. Allir leikir hefjast jafnir. Það er síðan okkar að mæta af fullum krafti og sýna úr hverju við erum gerðar,“ sagði Elín Jóna Þorsteinsdóttir markvörður íslenska landsliðsins í handknattleik kvenna.

Staðan í 7. riðli undankeppni EM:

Svíþjóð220076:374
Ísland220060:374
Færeyjar200243:650
Lúxemborg200231:710
  • Síðari leikurinn við Svía fer fram í Karlskrona á laugardaginn og hefst klukkan 13.
  • Tvær síðustu viðureigninar verða 3. og 7. apríl gegn Lúxemborg ytra og á við Færeyinga á Ásvöllum 7. apríl. T
  • Tvö efstu lið riðilsins verða örugg um sæti í lokakeppni EM sem fram fer í Austurríki, Ungverjalandi og Sviss í desember. Einnig halda áfram keppni fjögur lið sem ná bestum árangri í þriðja sæti í riðlakeppnini. Undankeppnin er leikin í átta riðlum.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -