- Auglýsing -

Vill fresta EM fram á sumar

Ljubomir Obradovic, fráfarandi landsliðsþjálfari Serbíu í handknattleik kvenna. Mynd/EPA

Ljubomir Obradovic þjálfari serbneska kvennalandsliðsins sem tekur þátt í EM kvenna í desember segir ekkert vit í því að halda mótið við núverandi aðstæður í Evrópu. Réttast væri að slá mótinu á frest þangað til betur viðrar í baráttunni við kórónuveiruna.

Obradovic segir að óvissa ríki hvernig liðin verði skipuð því veiran herji víðast hvar um þessar mundir. Leikmenn komi víða að og safnist saman í hópum til æfinga upp úr næstu helgi. Mörg lönd Evrópu séu meira og minna lokuð og þá sé flóknara að ferðast um álfuna og mun kostnaðarsamara en áður. Síðast en ekki síst þá hafi landsliðin ekkert komið saman að neinu gagni síðan á HM í Japan í desember í fyrra. Allir leikir sem fram áttu að fara fram í vor voru felldir niður.

Obradovic segir að réttast væri að fresta EM fram í mars eða apríl. Eins mætti jafnvel slá mótinu á frest fram í júní og ljúka keppnistímabilinu með veirulausu Evrópumóti í júní.

- Auglýsing -
- Auglýsing -

Nýjustu fréttir

- Auglýsing -