Handbolti.is heldur áfram að rifja upp og deila þeim greinum sem voru oftast lesnar vefnum á árinu 2021. Teknar voru saman 20 greinar sem féllu best í kramið af þeim ríflega 3.900 sem birst hafa á handbolta.is á árinu sem senn er liðið í aldanna skaut.
Í gær og fyrradag birtust tíu fyrstu greinarnar og í dag er komin röðin að þeim sem voru í 6. til 10. sæti. Kennir þar ýmissa grasa eins og áður.
Nýliðar Kórdrengja öðluðust keppnisrétt í Grill66-deild karla á elleftu stundu. Þeir tóku þá til við að raka að sér leikmönnum sem kveikti forvitni margra.
Íslenskir þjálfarar fengu tilboð frá norsku úrvalsdeildarliði og vakti tilboð þess sem ekki fór til Noregs meiri athygli en þess sem stökk á boðið síðar.
Þrátt fyrir að vera umdeildir á áhorfendapöllunum þá voru þeir svo sannarlega til sem vildi sjá þá á sem flestum leikjum hinnar snubbóttu úrslitakeppni sem tókst að halda á milli covid élja þegar komið var fram yfir sumarmál.
Stjörnumönnum gekk ekki sem skildi að halda utan mörk sem skoruð voru í sumum kappleikjum í TM-höllinni á árinu. Blaðamaður handbolta.is nýtti hluta úr laugardagskvöldi til að horfa á upptöku af kappleik sem fram fór fyrr um daginn og hann hafði reyndar verið vitni að. Ástæðan fyrir þessari óvæntu laugardagsmynd var leit að marki sem skorað var en var ekki skráð.
Leitin bar árangur og úr varð frétt sem birt var undir miðnætti. Fréttin vakti athygli. Upp úr klúðrinu á ritaraborðinu varð málavafstur sem lauk með að úrslit leiksins voru strikuðu út og liðin sem áttu í hlut mættust á nýjan leik.
Fimmta og síðasta fréttin sem birtist í dag er um þjálfara sem flutti sig um set frá einni eyju til annarrar þar sem hans beið mikið uppbyggingarstarf sem hann hefur nú hellt sér í af fullum krafti.
10. sæti:
9. sæti:
8. sæti:
7. sæti:
6. sæti:
Fyrri fréttir:
11.til 15.sæti má sjá hér.
16.til 20.sæti má sjá hér.
