- Auglýsing -

Vonandi ekki mjög alvarlegt

Róbert Aron Hostert á flugi í leik Vals og Þórs í byrjun vikunnar. Mynd/Valur - Baldur29@gmail.com

„Ég tognaði líklegast í náranum. Ég fann smell,“ sagði handknattleiksmaðurinn Róbert Aron hjá Val sem fór snemma af leikvelli í gærkvöld í viðureign Fram og Vals í Framhúsinu en þar mættust liðin í Olísdeild karla. Róbert Aron kom ekki aftur við sögu í leiknum.


„Vonandi er þetta ekki mjög alvarlegt,“ sagði Róbert Aron ennfremur við handbolta.is en hann er einn lykilmanna Valsliðsins sem tapaði leiknum í gærkvöld eftir að Fram-liðið, sem Róbert lék með fyrir nokkrum árum, hafði verið með yfirhöndina frá upphafi til enda.


Róbert Aron hefur verið óheppinn með meiðsli á þessu einkennilega keppnistímabili í handboltanum. Hann var nokkuð frá keppni við upphaf leiktíðar í september vegna tognunar í aftanverðu læri.

- Auglýsing -
- Auglýsing -

Nýjustu fréttir

- Auglýsing -