- Auglýsing -

Ýmir Örn hafði betur gegn félaga sínum úr vörninni

Ýmir Örn Gíslason og Elliði Snær Viðarsson saman í vörn íslenska landsliðsins á EM í janúar. Þeir voru andstæðingar í kvöld. Mynd/Hafliði Breifjörð

Ýmir Örn Gíslason fagnaði sigri gegn félaga sínum í vörn íslenska landsliðsins í handknattleik, Elliða Snæ Vignissyni, þegar Rhein-Neckar Löwen sótti Gummersbach heim í Schwalbe-Arena í Gummersbach í kvöld í 15. umferð þýsku 1. deildarinnar í handknattleik. Ýmir Örn og félagar unnu með þriggja marka mun, 32:29, eftir að hafa verið verið yfir í hálfleik, 18:16.

Knorr skoraði 15 mörk

Ýmir Örn skoraði ekki mark í leiknum í kvöld en var einu sinni vísað af leikvelli í tvær mínútur enda að vanda fastur fyrir í vörninni. Þýski landsliðsmaðurinn Juri Knorr var óstöðvandi og skoraði 15 mörk, eða nærri helming marka Rhein-Neckar Löwen. Sjö markanna skoraði Knorr úr vítköstum. Einnig gaf hann þrjár stoðsendingar

Sex íslensk mörk

Hákon Daði Styrmisson skoraði fimm mörk fyrir Gummersbach og Elliði Snær eitt og var einu sinni vikið af leikvelli. Dominik Mappes skoraði átta mörk og var markahæstur leikmanna Gummersbach sem að vanda léku undir stjórn Guðjóns Vals Sigurðssonar.


Í öðrum leikjum kvöldsins í þýsku 1. deildinni er það að segja að Stuttgart vann GWD Minden, 27:23, og Göppingen gerði jafntefli við HSV Hamburg á heimavelli, 26:26, í fyrsta leiknum eftir að Markus Baur tók við þjálfun Göppingen í gærmorgun.

Standings provided by Sofascore
- Auglýsing -
- Auglýsing -

Nýjustu fréttir

- Auglýsing -