Handknattleiksdeild ÍR hefur samið við níu unga og uppalda ÍR-inga til næstu tveggja ára. Drengirnir koma úr firnasterkum árgöngum 2006 og 2007 sem hafa verið öflugir innan deildarinnar síðustu árin. Sumir þeirra hafa þegar leikið með yngri landsliðunum.
Leikmennirnir sem samið hefur verið við eru Bernard Kristján Owusu Darkoh, Baldur Fritz Bjarnason, Alexander Ásgrímsson, Nathan Helgi Doku, Jökull Blöndal Björnsson, Patrekur Smári Arnarsson, Hjálmtýr Schöbel, Nökkvi Blær Hafþórsson og Gísli Valsson.
„Við ÍR-ingar viljum standa fyrir það að gefa ungu og uppöldu strákunum okkar séns og eru þessar undirskriftir liður í því. Ég hef gríðarlega mikla trú á þessum flottu strákum og hvet alla til að fylgjast grannt með þeim. Því ef þeir halda áfram á sömu braut þá munu þeir ná mjög langt,“ er haft eftir Bjarna Fritzsyni þjálfara meistaraflokks sem einnig hefur þjálfað þá í yngri flokkum ÍR.
Ætla má að strákarnir muni strax láta til sín taka í vetur með ungu og spennandi liði meistaraflokks karla sem spáð er efsta sæti Grill 66-deildar á leiktíðinni sem stendur fyrir dyrum.
Leikjadagskrá Grill 66-deilda.
