- Auglýsing -
- Kristján Örn Kristjánsson, Donni, skoraði fjögur mörk í naumum sigri PAUC á Nimes, 32:31, á heimavelli Nimes í gær í frönsku 1. deildinni í handknattleik. PAUC situr í sjöunda sæti deildarinnar með átta stig eftir sjö leiki. Sex stigum ofar eru PSG og Montpellier sem sitja í tveimur efstu sætunum. Nimes er í fimmta sæti með 10 stig.
- Guðmundur Þórður Guðmundsson og liðsmenn hans í Fredericia HK töpuðu með átta mörkum fyrir Aalborg Håndbold, 35:27, í 10. umferð dönsku úrvalsdeildarinnar í handknattleik í gær. Leikurinn fór fram í Álaborg. Einar Þorsteinn Ólafsson skoraði eitt mark sem var hans fyrsta á keppnistímabilinu fyrir Fredericia HK. Einari var einnig einu sinni vikið af leikvelli.
- Aalborg er með yfirburði í dönsku úrvalsdeildinni. Liðið hefur 20 stig að loknum 10 leikjum. Fredericia HK er sjö stigum á eftir í þriðja sæti.
- Fredrikstad Bkl., sem Elías Már Halldórsson þjálfari, hefur komið sér fyrir í þriðja sæti norsku úrvalsdeildarinnar, eftir sigur á Follo, 28:25, í áttundu umferð deildarinnar í gær. Fredrikstad Bkl, hefur 12 stig eftir átta leiki og er fjórum stigum á eftir Vipers Kristiansand og tveimur frá Storhamar sem Axel Stefánsson þjálfar.
- Sigvaldi Björn Guðjónsson lét nægja að skora eitt mark í stórsigri Kolstad á Sandnes, 39:25, á útivelli í áttundu umferð úrvalsdeildar karla í Noregi í gær. Kolstad er í öðru sæti deildarinnar með 13 stig. Drammen er efst með 15 stig
- Dana Björg Guðmundsdóttir var markahæst hjá Volda með sjö mörk í 11 marka sigri liðsins á Glassverket, 29:18, á útivelli í næst efstu deild norska kvenna handknattleiksins í gær. Volda er efst í deildinni með 12 stig eftir sjö leiki, er tveimur stigum á undan Haslum sem á leik til góða.
- Tumi Steinn Rúnarsson var ekki í liði Coburg í gær þegar liðið gerði jafntefli við Hüttenberg, 31:31, á heimavelli í þýsku 2. deildinni í handknattleik. Tumi Steinn var frá vegna meiðsla. Coburg er í 12. sæti af 18 liðum deildarinnar.
- Örn Vésteinsson Östenberg skoraði ekki marki fyrir VfL Lübeck-Schwartau í fjögurra marka tapi fyrir TV Großwallstadt, 32:28, í 2. deild þýska handknattleiksins í gær. VfL Lübeck-Schwartau er í 10. sæti en sjá má stöðuna í deildinni hér.
- Auglýsing -
