Eins og fram hefur komið þá gerði íslenska landsliðið jafntefli við serbneska landsliðið í fyrsta leik sínum á Evrópumótinu í handknattleik karla í Ólympíuhöllinni í München í kvöld, 27:27. Íslensku piltarnir skoruðu þrjú síðustu mörk leiksins, þar af jöfnunarmarkið þegar sjö sekúndur voru til leiksloka. Sigvaldi Björn Guðjónsson gerði það eftir að Aron Pálmarsson hafði af útsjónarsemi komist inn í sendingu Serba rétt fyrir aftan miðjan leikvöllinn.
Næsti leikur íslenska liðsins verður gegn Svartfellingum á sunnudaginn klukkan 17 í Ólympíuhöllinni í München.
Hafliði Breiðfjörð ljósmyndari og ritstjóri fotbolti.net myndar fyrir handbolta.is á Evrópumótinu. Hér fyrir neðan er syrpa með leikmönnum og þjálfurum frá háspennuleiknum í kvöld. Smellið á myndirnar til þess að sjá þær stærri.
