- Auglýsing -
- Gummersabach, undir stjórn Guðjóns Vals Sigurðssonar, vann Wetzlar með níu marka mun, 33:24, í þýsku 1. deildinni í handknattleik í gærkvöld. Hvorki Elliði Snær Viðarsson né Teitur Örn Einarsson léku með Gummersbach í leiknum. Báðir eru þeir meiddir. Miro Schluroff skoraði níu mörk og Kristjan Horzen átta mörk fyrir Gummersbach sem er í sjöunda sæti með 28 stig eftir 23 leiki.
- Viktor Petersen Norberg skoraði þrjú mörk og átti eina stoðsendingu fyrir Wetzlar í leiknum. Wetzlar situr í 12. sæti deildarinnar.
- Heiðmar Felixson aðstoðarþjálfari Hannover-Burgdorf fagnaði sigri með liðinu á Bietigheim, 32:18, á heimavelli. Hannover-Burgdorf heldur þar með efsta sæti þýsku 1. deildarinnar. Marius Steinhauser var markahæstur með átta mörk.
- TTH Holstebro, sem Arnór Atlason þjálfar, vann góðan sigur á SønderjyskE, 35:33, í upphafsleik 23. umferð dönsku úrvalsdeildarinnar í gærkvöld. Við sigurinn færðist TTH Holstebro upp í sjöunda sæti með 23 stig.
- Storhamar er áfram í efsta sæti norsku úrvalsdeildarinnar í kvennaflokki. Liðið vann Byåsen, 30:25, á heimavelli. Akureyringurinn Axel Stefánsson er einn þjálfara Storhamar. Liðið er þremur stigum á undan Sola sem er í öðru sæti þegar heil umferð er eftir. Með sigrinum varð Storhamar norskur meistari en liðið sem vinnur deildina verður landsmeistari.
- Auglýsing -
