Ísland verður í efsta styrkleikaflokki af fjórum þegar dregið verður á morgun í riðla lokakeppni heimsmeistaramóts karla í handknattleik, skipað leikmönnum 19 ára og yngri. Heimsmeistaramótið fer fram í Egyptalandi frá 6. til 17. ágúst í sumar.
Meginástæða þess að íslenska landsliðið er í efsta styrkleikaflokki er frábær árangur 18 ára landsliðsins á Evrópumótinu í Podgorica í Svartfjallalandi á síðasta ári. Íslenska landsliðið varð í fjórða sæti á mótinu á eftir Svíþjóð, Danmörku og Ungverjalandi.
Sjö efstu liðin á EM 18 ára á síðasta ári eru í fyrsta styrkleikaflokki ásamt Afríkumeisturum Egypta.
Styrkleikaflokkarnir:
Flokkur 1: Svíþjóð, Danmörk, Ungverjaland, Egyptaland, Ísland, Þýskaland, Serbía, Noregur.
Flokkur 2: Spánn, Slóvenía, Portúgal, Japan, Túnis, Sviss, Braislía, Frakkland
Flokkur 3: Suður Kórea, Króatía, Gínea, Tékkland, Kúveit, Marokkó, Argentína, Úrúgvæ.
Flokkur 4: Sádi Arabía, Alsír, Bandaríkin, Barein, Mexíkó, Færeyjar, Austurríki, Kósovó.
Hér fyrir neðan er hlekkur á streymi frá því þegar dregið verður í riðla á morgun, þriðjudag, klukkan 17.
Einnig leikur 21 árs landslið karla á HM í sumar. Mótið fer fram í Póllandi. Dregið var í riðla fyrir mótið fyrr á þessu ári:
