- Auglýsing -
- Ystads IF varð sænskur meistari í handknattleik karla í gærkvöld. Ystads IF vann Hammarby, 32:29, í fjórða leik liðanna í úrslitum. Ystads IF var afgerandi besta liðið í sænska karlahandboltanum á leiktíðinni og varð deildarmeistari með nokkrum yfirburðum. Ystads IF varð síðast sænskur meistari 2022.
- Danski landsliðsmaðurinn Thomas Arnoldsen er aftur kominn í frí frá handknattleik um ótiltekinn tíma. Arnoldsen var einnig frá keppni í lok vetrar vegna andlegrar veikinda. Hann segir í tilkynningu hafa náð nokkrum bara í fjarveru sinni en betur má ef duga skal.
- Arnoldsen, sem er 22 ára gamall leikur með danska landsliðinu auk þess að vera með meistaraliðinu Aalborg Håndbold, sem mætir TTH Håndbold sem Arnór Atlason þjálfar, í undanúrslitum um danska meistaratitilinn. Fyrsta viðureign liðanna fer fram á morgun.
- Uppi eru háleitar hugmyndir um byggingu íþróttahallarinnar í Leipzig í Þýskalandi sem gæti rúmað 12 þúsund áhorfendur í sæti. Núverandi keppnishöll, Quarterback Immobilien Arena, rúmar 5.000 og þykir barn síns tíma.
- Marie Skurtveit Davidsen, sem lengi hefur verið þriðji markvörður norska kvennalandsliðsins í handknattleik, hefur samið við Fana Håndball í heimalandi sínu. Davidsen er að ljúka samningi sínum við rúmenska meistaraliðið CSM Búkarest.
- Joachim Boldsen, sem gerði garðinn frægan með danska landsliðinu í handknattleik á fyrsta áratug aldarinnar auk þess að leika m.a. með Barcelona og Flensburg, hefur ákveðið að gefa kost á sér í sveitastjórnarkosningum sem fram fer í Danmörku síðar á þessu ári.
- Boldsen hefur á síðustu árum gert það gott sem sérfræðingur sjónvarpasstöðva þegar kemur að handbolta. Hann sagði nýverið starfi sínu lausu hjá TV2. Boldsen ætlar í framboð í Hørsholm á norður Sjálandi.
- Auglýsing -
