- Auglýsing -
- Handknattleiksmaðurinn Patrick Wiencek, sem lagði keppnisskóna á hilluna í vor eftir langan feril með THW Kiel og þýska landsliðinu, segist hafa eftir langa umhugsun hafnað tilboði frá THW Kiel að taka fram skóna og leik með liðinu fram að áramótum. Félagið leitar að manni til þess að hlaupa í skarðið fyrir Hendrik Pekeler sem verður frá keppni út árið. Pekeler sleit hásin undir lok síðustu leiktíðar.
- Wiencek segist hafa eftir svefnlausar nætur neitað framkvæmdastjóra THW Kiel, Viktor Szilagyi, um að endurskoða ákvörðun sína að taka fram skóna. „Ég ákvað í janúar að hætta í vor og ætla að standa við þá ákvörðun,“ segir Wiencek sem hefur hafið störf á skrifstofu THW Kiel.
- Johannes Sellin verður áfram þjálfari HC Erlangen. Hann tók við liðinu í afleitri stöðu í neðri hluta þýsku 1. deildarinnar í nóvember þegar Martin Schwalb var sagt upp. Sellin var forveri Schwalb í þjálfarastóli HC Erlangen.
- Undir stjórn Sellin tókst HC Erlangen að halda sér upp í deildinni í vor. Viggó Kristjánsson landsliðsmaður átti stærstan hlut af málum eftir að hann kom til félagsins í upphafi ársins og fór hamförum í síðustu leikjunum.
- Manuel Späth fékk kveðjuleik á laugardaginn en hann hefur ákveðið að leggja keppnisskóna á hilluna, 39 ára gamall. Fjöldi gamalreyndra kappa tók þátt í leiknum sem var fyrst og síðast til gamans gerður. Späth lék í 11 ár með Göppingen en síðar með Stuttgart, Porto og síðast HSV Hamburg.
- Auglýsing -
