- Auglýsing -
- Hermt er að sænski landsliðsmarkvörðurinn Johanna Bundsen verði ekki mikið lengur í herbúðum þýska meistaraliðsins HB Ludwigsburg, hvort sem liðið tórir áfram eða ekki. Rúmenskir fjölmiðlar segja frá því að rúmensku liðin CSM Búkarest, Gloria Bistrița og SCM Râmnicu Vâlcea hafi öll borið víurnar í Bundsen.
- Slóvenski handknattleiksmaðurinn Domen Makucs er sagður kveðja Barcelona næsta sumar og ganga til liðs við THW Kiel. Frá þessu sagði Mundo Deportivo í gær. Makucs kom til Barcelona fyrir fimm árum frá Celje í föðurlandi sínu.
- Kristján Örn Kristjánsson, Donni, skoraði fjögur mörk þegar lið hans Skanderborg AGF vann stórsigur á sænska meistaraliðinu Ystads IF, 39:24, í æfingaleik á miðvikudaginn.
- Donni var markahæstur í gær er Skanderborg AGF lagði Nordsjælland, 33:32, í æfingaleik. Donni skoraði 6 mörk í leiknum. Næsti æfingaleikur Skanderborg AGF verður á þriðjudaginn gegn GOG.
- Lærisveinar Arnórs Atlasonar í TTH Holstebro unnu stórsigur á Nærbø frá Noregi í æfingaleik á miðvikudag, 40:23. Takmarkaðar upplýsingar er að fá um leikinn, þar á meðal hversu mörg mörk Jóhannes Berg Andrason skoraði fyrir TTH Holstebro.
- Auglýsing -
