- Auglýsing -
- Andri Már Rúnarsson skoraði átta mörk fyrir HC Erlangen þegar liðið vann Eisenach í úrslitaleik Silberregion Karwendel Cups í Schwaz í Austurríki í gær, 30:28. Andri Már skoraði 8 mörk en hann skoraði 11 mörk í sigurleik á Ludwigsburg á föstudaginn. Viggó Kristjánsson lék ekki með HC Erlangen á mótinu.
- Elín Klara Þorkelsdóttir var markhæst hjá IK Sävehof með sjö mörk þegar liðið vann sænska meistaraliðið Skara HF, 29:26, í viðureign um þriðja sætið á æfingamóti, Annlizcup, í Skövde í gær.
- Aldís Ásta Heimisdóttir og Lena Margrét Valdimarsdóttir skoruðu þrjú mörk í röð fyrir Skara HF.
- Aldís Ásta og Elín Klara voru valdar bestu leikmenn sinna liða í leiknum.
- Danska meistaraliðið Alaborg Håndbold vann HSV Hamburg í úrslitaleik æfingamóts í Þýskalandi í gær, Heidi-Cup. Lokatölur 28:25. Ágúst Elí Björgvinsson markvörður lék sína fyrstu leiki með Aalborg Håndbold á mótinu og hlaut lof á frammistöðu sína í viðureigninni við Kolstad á laugardaginn þegar Aalborg vann, 33:25.
- Einar Þorsteinn Ólafsson stóð vaktina í vörn HSV Hamburg á mótinu og stakk sér stöku sinnum með í sóknarleikinn. Hann skoraði m.a. eitt mark í úrslitaleiknum við Aalborg í gær.
- Haukur Þrastarson skoraði tvö mörk fyrir Rhein-Neckar Löwen í fjögurra marka sigri liðsins á Balingen-Weilstetten, 37:33, í æfingaleik á laugardaginn.
- Auglýsing -
