- Auglýsing -
- Evrópumeistarar SC Magdeburg vann hið árlega æfingamót, Wartburg-Cup í Eisenach, í gær. Magdeburg hafði betur gegn danska liðinu Skanderborg AGF, 36:32, í þriðju og síðustu umferð í gær. Ómar Ingi Magnússon skoraði átta mörk og var markahæstur leikmanna Magdeburg. Elvar Örn Jónsson skoraði þrjú mörk og Gísli Þorgeir Kristjánsson eitt.
- Kristján Örn Kristjánsson, Donni, skoraði eitt mark fyrir Skanderborg AGF sem vann Eisenach í fyrsti umferð mótsins og tapaði síðan naumlega fyrir Lemgo.
- Þorsteinn Leó Gunnarsson skoraði sjö mörk í öruggum sigri Porto á franska liðinu Saint-Raphaël, 38:32, á æfingamóti.
- Þorsteinn Leó og félagar mæta Orra Frey Þorkelssyni og samherjum í Sporting á næsta laugardag í meistarakeppninni í Portúgal.
- Jóhannes Berg Andrason skoraði fjögur mörk fyrir TTH Holstebro þegar þegar liðið tapaði á laugardaginn fyrir þýska liðinu Leipzig, 28:23, á æfingamóti í Plock í Póllandi. Í gær tapaði Holstebro fyrir Wisla Plock, 36:23, á sama móti. Arnór Atlason er þjálfari TTH Holstebro.
- Auglýsing -
