- Auglýsing -
- Haukur Þrastarson skoraði tvö mörk þegar Rhein-Neckar Löwen lagði svissneska liðið HC Kriens-Luzern, 37:29, í æfingaleik í gær.
- Landsliðskonurnar Andrea Jacobsen, Díana Dögg Magnúsdóttir og Elín Rósa Magnúsdóttir hefja keppnistímabilið í Þýskalandi formlega í dag þegar lið þeirra Blomberg-Lippe mætir Thüringer HC í meistarakeppni kvenna (Super Cup) í München. Thüringer HC, sem hafnaði í þriðja sæti í deildinni á síðustu leiktíð, tekur þátt í leiknum í stað HB Ludwigsburg. Leikurinn hefst klukkan 13.
- Að viðureign Blomberg-Lippe og Thüringer HC lokinni mætast Füchse Berlin og THW Kiel í meistarakeppni karla. Dyn sendir út báða leiki.
- Ágúst Elí Björgvinsson var drjúgan hluta leiksins í marki Aalborg Håndbold þegar liðið tapaði naumlega fyrir Flensburg, 41:38, í æfingaleik í Álaborg í gærkvöld að viðstöddum 5.500 áhorfendum. Thomas Arnoldsen var markahæstur hjá Aalborg Håndbold með 10 mörk. Sander Sagosen, Niklas Landin, Alexander Blonz og Juri Knorr léku ekki með danska meistaraliðinu vegna meiðsla.
Vinsælt lesefni:
- Auglýsing -
