- Auglýsing -
- Spænski handknattleiksmaðurinn Valero Rivera tilkynnti í gær að hann ætlaði sér að hætta keppni í handknattleik næsta vor eftir 23 ár sem atvinnumaður í íþróttinni. Rivera hefur lengst af leikið með franska liðinu Nantes eða alls í 14 ár þegar upp verður staðið. Rivera er Barcelona-maður að upplagi og lék með liðinu 2001 til 2005 og aftur frá 2016 til 2018. Einnig lék Rivera lengi með spænska landsliðinu. Faðir hans og nafni tók nýverið við þjálfun landsliðs Katar.
- Pólska liðið Industria Kielce hefur samið við Króatann Luka Lovre Klarica frá og með næsta sumri. Hann kemur til félagsins frá RK Zagreb og á að leysa af Alex Dujshebaev sem hyggst róa á önnur mið. Eins er reiknað með að Spánverjinn Jorge Maqueda kveðji Kielce sumarið 2026.
- Hollenska landsliðskonan Dione Housheer hefur skrifað undir nýjan samning við Evrópumeistara Győri Audi ETO KC sem gildir til ársins 2030. Hin 25 ára gamla Housheer kom til félagsins fyrir ári og líkar lífið afar vel í Ungverjalandi.
- Sænski handknattleiksmaðurinn Felix Møller hefur skrifað undir nýjan þriggja ára samning við Aalborg Håndbold. Møller kom til félagsins fyrir ári frá IK Sävehof og þykir hafa gert það gott.
Vinsælt lesefni:
- Auglýsing -
