- Auglýsing -
- Janus Daði Smárason var markahæstur hjá Pick Szeged ásamt Benjámin Szilágyi með sex mörk í níu marka sigri á Szigetszentmiklósi KSK, 37:28, í ungversku úrvalsdeildinni í handknattleik í gær. Pick Szeged hefur unnið tvo fyrstu leiki sína.
- Elín Klara Þorkelsdóttir og liðsfélagar hennar í IK Sävehof standa vel að vígi eftir 23 marka sigur á Eslövs IK, 45:22, í fyrri viðureign liðanna í 16-liða úrslitum sænsku bikarkeppninnar í gær. Síðari viðureignin verður í Partille á laugardaginn.
- Birta Rún Grétarsdóttir skoraði eitt mark fyrir nýliða Fjellhammer þegar liðið gerði jafntefli við Romerike Ravens, 25:25, í upphafsumferð norsku úrvalsdeildarinnar í gær.
- Einar Bragi Aðalsteinsson skoraði þrisvar í tveggja marka óvæntu tapi IFK Kristianstad í heimsókn til Redberglind í gær, 32:30. Leikurinn var sá þriðji og síðasti hjá báðum liðum í riðlakeppni fyrsta stigs bikarkeppninnar í Svíþjóð. IFK Kristianstad og Redbergslid fara áfram í 16-liða úrslitum en leikmenn Varberg og Lund sitja eftir með sárt ennið og hafa lokið þátttöku sinni í bikarkeppninni.
Vinsælt lesefni:
- Auglýsing -
