- Auglýsing -
- Ítalski hægri hornamaðurinn Leo Prantner leikur ekki með þýska meistaraliðinu Füchse Berlin fyrr en á næsta ári. Hann fór í aðgerð á öxl í fyrradag. Hugsanlega verður Prantner tilbúinn í slaginn á EM í janúar þegar ítalska landsliðið mætir m.a. íslenska landsliðinu í Kristianstad.
- Í stað Prantners hefur Füchse Berlin fengið Max Günther frá venslaliði sínu Potsdam sem leikur í 2. deild.
- Danski landsliðsmaðurinn Magnus Saugstrup leikur ekki með Evrópumeisturum SC Magdeburg á morgun gegn Barcelona í 2. umferð riðlakeppni Meistaradeildar karla. Saugstrup fékk sýkingu í sár og er með umbúðir á handlegg meðan unnið er á sýkingunni með hjálp lyfja. Hann var einnig fjarverandi þegar Magdeburg vann Stuttgart á sunnudaginn.
- Þýska landsliðið, sem verður fyrsti andstæðingur íslenska landsliðsins á HM í handknattleik kvenna 26. nóvember mætir hollenska landsliðinu í vináttuleik í Eindhoven föstudaginn og Krefeld á sunnudaginn.
- Grâce Zaadi Deuna verður fyrirliði heimsmeistara Frakka á heimsmeistaramóti kvenna í handknattleik í nóvember og desember. Hún leysir af Estelle Nze Minkos sem er ólétt. Deuna hefur lengi leikið með franska landsliðinu og á 202 landsleiki.
- Auglýsing -
