Drengirnir í Hlaðvarpsþættinum Handboltinn okkar skelltu sér í Klaka-stúdíóið og tóku upp sinn sjötta þátt á þessu tímabili. Að þessu sinni var hann í umsjón Jóa Lange og Gests Guðrúnarsonar. Í þættinum byrjuðu þeir á því að fara yfir leikina í 8-liða úrslitunum í Coca-Cola bikarkeppni karla og kvenna ásamt því að rýna í undanúrslitaleikina sem eru framundan.
Þá fengu þeir Reyni Stefánsson formann dómaranefndar í spjall og fengu að skyggnast aðeins inní stöðu dómaramála hér landi. Reynir lýsti yfir áhyggjum sínum af fjölda dómara og vonbrigðum með hversu fá félög séu að sýna metnað í því að afla fleiri dómara. Reynir sagði að það væri raunveruleg hætta á því innan tíðar að fresta verði leikjum sökum þess að ekki næðist að manna dómara á leikina.
Reynir sagði einnig frá skemmtilegri nýjung í vetur þar sem eftirlitsmenn geta nýtt sér tækni Sideline forritsins í því að klippa atvik jafn óðum og á leik stendur til þess að fara yfir með dómurum strax að leik loknum. Þetta gerði vinnu dómara og eftirlitsmanna faglegri.
Í lok þáttar fóru þeir félagar yfir leiki 1. umferðar Olísdeildar karla og kvenna og spáðu í spilin.
Hægt er að hlusta á þáttinn með því að smella á örina neðst til hægri. Einnig er alla þætti Handboltans okkar að finna á öllum hlaðvarpsveitum.
