- Auglýsing -
- Andrea Lekić fyrrverandi fyrirliði serbneska landsliðsins hefur verið ráðinn íþróttastjóri serbneska kvennalandsliðsins. Hennar fyrsta verk verður að hafa umsjón með undirbúningi kvennalandsliðsins fyrir heimsmeistaramótið sem hefst í lok nóvember. Lekić mun starfa þétt með Norðmanninum Bent Dahl sem tók við þjálfun serbneska landsliðsins í sumar.
- Serbneska landsliðið verður í riðli með íslenska landsliðinu á HM í Stuttgart og mætast landslið þjóðanna 28. nóvember. Ráðning Lekić undirstrikar þá alvöru serbneska handknattleikssambandsins að styrkja landsliðið og koma því í fremstu röð í Evrópu á nýjan leik.
- Sænski markvörðurinn Simon Möller gengur til liðs við þýska liðið Flensburg næsta sumar eftir veru hjá Fenix Toulouse. Möller á fylla skarðið sem danski landsliðsmarkvörðurinn Kevin Møller skilur eftir við brottför til heimalandsins.
- Vonir standa til þess að þýski landsliðsmaðurinn Marko Grgic leiki með Flensburg á nýjan leik í kvöld þegar liðið mætir Hauki Þrastarsyni og samherjum í Rhein-Neckar Löwen í 16-liða úrslitum þýsku bikarkeppninnar. Grgic, sem varð markakóngur þýsku 1. deildarinnar á síðustu leiktíð og gekk til Flensburg í sumar, hefur verið fjarri góðu gamni vegna meiðsla í síðustu leikjum liðsins.
- Luca Witzke sem einnig kom til Flensburg í sumar er og verður áfram utan liðsins vegna meiðsla. Hann meiddist á öxl á dögunum og verður örugglega úr leik út næstu viku, hið minnsta.
Vinsælt lesefni:
- Auglýsing -
