Bleik keppnistreyja sem norska handknattleikskonan Camilla Herrem klæddist í kappleik með Sola í síðustu viku seldist á 100 þúsund kr norskar, jafnvirði 1,2 milljóna íslenskra kr, á uppboði sem haldið var í kjölfar leiksins. Þetta er hæsta verð sem greitt hefur verið fyrir treyju handboltafólks í Noregi.
Allar tekjur af treyjuuppboðinu rann til baráttunnar gegn krabbameini í Noregi.
Herrem greindist með brjóstakrabbamein fyrr á þessu ári en hefur náð góðum bata og byrjaði að leik með Sola á nýjan leik í byrjun september.
Í fyrrgreindum leik klæddust leikmenn Sola bleikum treyjum til að vekja athygli á baráttunni við krabbamein. Treyjurnar voru í kjölfarið boðnar upp og seldust þær allar.
Herrem er ein þekktasta og vinsælasta handknattleikskona Noregs. Hún lék í nærri tvo áratugi með norska landsliðinu en ákvað að láta gott heita með landsliðinu eftir sigurinn á Evrópumótinu í Austurríki í desember á síðasta ári.
Íslensk félagslið í bleiku
Nokkur íslensk félagslið, jafnt í kvenna- og karlaflokki, hafa í október leikið í bleikum keppnistreyjum á Íslandsmótinu til að vekja athygli á bleikum október og baráttunni við krabbameini. Ekki veit handbolti.is til þess að félögin hafi efnt til uppboðs á treyjunum en einhver þeirra hafa haft búningana til sölu og hluti verðsins runnið til baráttunnar gegn krabbameini.
Camilla Herrem greinist með krabbamein
Herrem stefnir á að vera með Sola í fyrsta leik
Endurkoma Herrem – Meistaradeildin er hafin
Herrem kvaddi um leið og Þórir eftir 332. leikinn
