FH-ingar gerðu góða ferð í Lambhagahöllina í kvöld er þeir lögðu Íslandsmeistara Fram, 30:28, í 12. umferð Olísdeildar karla í handknattleik. Hafnarfjarðarliðið er þar með þremur stigum á eftir efstu liðum deildarinnar, Haukum og Val, en engu að síður í fimmta sæti. Keppnin á milli efstu liða deildarinnar er hörð.
Áfram gengur ekki sem skildi hjá HK-ingum. Þeir töpuðu í kvöld á heimavelli fyrir baráttuglöðum Eyjamönnum, 34:28, sem léku án Róberts Sigurðarsonar sem er í leikbanni. Eftir sigurrispu HK-inga í síðasta mánuði hefur hallað undan fæti í síðustu viðureignum.
Lið ÍBV eltir efstu liðin og situr í 6. sæti með 13 stig en HK er í níunda sæti með átta stig og getur misst Þórsara upp fyrir sig á morgun ef þeir vinna ÍR-inga í Skógarseli í síðasta leik 12. umferðar.
Staðan og næstu leikir í Olísdeildum.
Úrslit kvöldsins
Fram – FH 28:30 (14:17)
Liðin mættust í Úlfarsárdal og voru jöfn í byrjun leiks. Staðan var 8:8 þegar FH-ingar skiptu um gír og skoruðu sex mörk í röð. Framarar girtu sig í brók og náðu að minnka muninn í eitt mark. Hafnfirðingar sigu fram úr og fóru inní hálfleikinn með þriggja marka forystu, 14:17. Þegar seinni hálfleikur var hálfnaður var forysta FH 4 mörk, 24:20. Framarar náðu að skora 5 mörk í kjölfar stöðunnar 22:29 og minnkuðu muninn í 2 mörk, 27:29 þegar tvær og hálf mínúta var eftir. En nær komust Framarar ekki, sigurinn varð Hafnfirðinga, 28:30.
Mörk Fram: Max Emil Stenlund 7, Viktor Sigurðsson 6, Ívar Logi Styrmisson 5 (1), Eiður Rafn Valsson 3, Dagur Fannar Möller 2, Dánjal Ragnarsson 2, Arnþór Sævarsson 1, Erlendur Guðmundsson 1, Alex Unnar Hallgrímsson 1.
Varin skot: Breki Hrafn Árnason 10 (2), Arnór Máni Daðason 3
Mörk FH: Jón Bjarni Ólafsson 6, Garðar Ingi Sindrason 6(3), Ómar Darri Sigurgeirsson 4, Birkir Benediktsson 3, Símon Michael Guðjónsso 3 (1), Jakob Martin Ásgeirsson 2, Birgir Már Birgisson 2, Kristófer Máni Jónasson 2, Brynjar Narfi Arndal 2.
Varin skot: Jón Þórarinn Þorsteinsson 9. Daníel Freyr Andrésson 8.
Tölfræði leiksins hjá HBStatz.
HK – ÍBV 28:34 (14:16)
ÍBV náði að vinna HK í Kórnum í Kópavogi í kvöld, 34:28. HK var með forystu í byrjun leiks. Eyjamenn sóttu í sig veðrið og náðu mest fjögurra marka forystu. HK náði að jafna í 12:12. Eyjamenn náðu tveggja marka forystu í lok fyrri hálfleiks, 14:16. Í seinni hálfleik náði HK að jafna eftir 40 mínútna leik, 21:21, komst svo einu marki yfir 22:21. Leikmenn ÍBV tóku þá hressilega við sér og sneru stöðunni sér í hag úr stöðunni 27:27 í 31:27. Eyjamenn unnu leikinn 28:34.
Andri Erlingsson sýndi afar góðan leik og skoraði 12 mörk. Daníel Þór var með 8 mörk og Kristófer skoraði 4. Í HK skoruðu þrír leikmenn 6 mörk hver, Haukur Ingi, Andri Þór og Ágúst.
ÍBV er nú í sjötta sæti með 13 stig en HK áfram í því níunda með 8 stig.
Mörk HK: Andri Þór Helgason 6, Ágúst Guðmundsson 6, Haukur Ingi Hauksson 6, Leó Snær Pétursson 5, Örn Alexandersson 2, Sigurður Jefferson Guarino 2, Aron Dagur Pálsson 1.
Varin skot: Brynjar Vignir Sigurjónsson 7, Róbert Örn Karlsson 4.
Mörk ÍBV: Andri Erlingsson 12, Daníel Þór Ingason 8, Kristófer Ísak Bárðarson 4, Hinrik Hugi Heiðarsson 3, Sveinn José Rivera 2, Egill Oddgeir Stefánsson 1, Gabríel Martinez Róbertsson 1, Sigtryggur Daði Rúnarsson 1, Haukur Leó Magnússon 1, Anton Frans Sigurðsson 1.
Varin skot: Petar Jokanovic 5, Morgan Goði Garner 5.
Tölfræði leiksins hjá HBStatz.
Staðan og næstu leikir í Olísdeildum.
