- Auglýsing -
- Andri Már Rúnarsson fór fyrir liði Erlangen í gær hann tryggði liðinu jafntefli á heimavelli gegn Stuttgart, 24:24, í hörkuleik þar sem Erlangen átti lengi vel undir högg að sækja. Andri Már skoraði sjö mörk og gaf tvær stoðsendingar. Hann var markahæstur leikmanna Erlangenliðsins. Jöfnunarmarkið skoraði Andri Már á síðustu sekúnum.
- Viggó Kristjánsson lék ekki með Erlangen í gærkvöld fremur en í síðustu leikjum sökum meiðsla. Erlangen situr í 12. sæti af 18 liðum með 11 stig eftir 14 leiki.
- Eisenach kom mörgum á óvart með því að gera jafntefli við THW Kiel á heimavelli, 27:27, í þýsku 1. deildinni í gær. Eisenach hefur 11 stig í 13. sæti. Kiel er sem stendur í 3. sæti með 21 stig en hefur lokið einum leik fleira en flest lið fyrir ofan og rétt fyrir neðan svo viðbúið er að Kiel verði skrefi neðar áður en helgin verður á enda.
- Stöðuna í þýsku 1. deildinni og í fleiri deildum evrópsks handknattleiks er að finna hér.
- Birgir Steinn Jónsson skoraði ekki mark fyrir IK Sävehof þegar liðið vann HF Karlskrona, 33:30, í sænsku úrvalsdeildinni í gær. Leikið var í Karlskrona. IK Sävehof er í 6. sæti deildarinnar með 14 stig eftir 12 leiki.
- Arnór Viðarsson kom inn í lið Karlskrona á nýjan leik og skoraði eitt mark og átti annað skot sem geigaði. Karlskrona er tveimur stigum á eftir IK Sävehof í áttunda sæti.
- Viktor Petersen Norberg skoraði 2 mörk og gaf eina stoðsendingu í stórsigri Elbflorenz á HSG Krefeld Niederrhein, 43:27, í þýsku 2. deildinni í gærkvöld. Leikið var á heimavelli Krefeld. Elbflorenz fór a.m.k. tímabundið í efsta sæti 2. deildar með sigrinum. Liðið er með 12 stig eftir 13 leiki, stigi á undan Balingen og Bietigheim sem eiga leiki til góða. Hagen er í fjórða sæti með 19 stig.
- Jón Ísak Halldórsson skoraði einu sinni fyrir Lemvig–Thyborøn Håndbold þegar liðið tapaði í gærkvöld fyrir Rækker Mølle Håndbold, 32:26, á útivelli í næstefstu deild danska handknattleiksins. Lemvig er í sjöunda sæti deildarinnar með 13 stig eftir 13 leiki.
- Stöðuna í mörgum deildum evrópsks handknattleiks er að finna hér.
- Auglýsing -
