- Auglýsing -
- Staðfest var í gær að danski landsliðsmaðurinn Simon Pytlick gengur til liðs við Füchse Berlin frá Flensburg sumarið 2027. Samningur Pytlick við Berlínarliðið gildir til ársins 2030. Hermt er að Füchse Berlin greiði 450 þúsund evrur fyrir danska landsliðsmanninn, jafnvirði 67,5 milljóna kr.
- Fregnir herma að portúgalski landsliðsmaðurinn Fracisco Costa samherji Orra Freys Þorkelssonar hjá Sporting Lissabon gangi til liðs við Barcelona sumarið 2027. Hann er sagður vera efstur á óskalista spænska stórliðsins ef svo fer að franski handknattleiksmaðurinn Dika Mem gangi til liðs við Füchse Berlin eins og fullyrt hefur verið í þýskum fjölmiðlum.
- Þýski landsliðsmaðurinn Luca Witzke leikur ekkert meira með Flenburg á keppnistímabilinu. Þetta segir í tilkynningu félagsins í gær. Witzke, sem hefur verið talsvert frá keppni vegna meiðsla til þessa, er alvarlega meiddur á öxl og þarf að gangast undir aðgerð. Witzke kom til Flensburg í sumar frá Leipzig.
- Markahrókurinn og vinstri hornamaðurinn Marcel Schiller hefur skrifað undir nýjan samning við Göppingen sem gildir til loka leiktíðarinnar 2028. Hann hefur verið hjá félaginu frá árinu 2013.
- Daninn Oskar Vind gengur til liðs við Evrópumeistara GOG á næstu leiktíð og leysir af hægri hornamanninn Tim Hornke sem ætlar að leggja skóna á hilluna eins og sagt var í haust. Vind er nú leikmaður GOG og þykir efni gott í handknattleiksmann.
- Daninn Morten Olsen, sem lagði skóna á hilluna í vor eftir langan og farsælan feril, hefur tekið að sér þjálfun handknattleiksliðs Los Angeles Team Handball Club í Bandaríkjunum. Olsen tekur við af Frank Carstens sem staldraði stutt við í Bandaríkjunum og var fljótur að grípa tækifærið þegar honum bauðst að þjálfa Leipzig í Þýskalandi á dögunum.
Vinsælt lesefni:
- Auglýsing -
