- Auglýsing -
- Arnór Viðarsson var markahæstur hjá HF Karlskrona með átta mörk í jafntefli við Malmö, 29:29, í sænsku úrvalsdeildinni í handknattleik í gærkvöld. HF Karlskrona er í 8. sæti deildarinnar með 13 stig eftir 13 leiki. Malmö er efst með 22 stig.
- Elmar Erlingsson var ekki á meðal þeirra sem skoruðu fyrir Nordhorn í sigurleik á heimavelli gegn TuS Ferndorf, 32:28. Elmar átti eina stoðsendingu. Nordhorn er í 7. sæti með 17 stig eftir 13 leiki, sjö stigum á eftir Bietigheim sem er efst. Balingen er í öðru sæti með 22 stig.
- Tjörvi Týr Gíslason skoraði eitt mark fyrir HC Oppenweiler/Backnang í naumu tapi, 28:27, fyrir Bietigheim í þýsku 2. deildinni í gærkvöld. HC Oppenweiler/Backnang er neðst í deildinni með tvö stig eftir 14 leiki.
- Sveinn Jóhannsson skoraði ekki mark fyrir Chambéry þegar liðið vann Chartres, 33:30, á heimavelli í frönsku 1. deildinni í handknattleik í gærkvöld. Sveinn lék með í sjö mínútur. Chambéry er í 5. sæti með 15 stig eftir 13 leiki.
- Stöðuna í mörgum deildum evrópsks handknattleiks er að finna hér.
- Dagur Sverrir Kristjánsson skoraði ekki mark fyrir Vinslövs HK þegar liðið tapaði með 11 marka mun á heimavelli, 35:24, fyir HK Varberg í Allsvenskan, næst efstu deild sænska handknattleiksins í gærkvöld. Vinslövs HK er neðst í deildinni. Liðið hefur tapað öllum viðureignum sínum til þessa eins og Enköping.
Vinsælt lesefni:
- Auglýsing -
