- Auglýsing -
- Kristján Örn Kristjánsson, Donni, skoraði sex mörk úr níu skotum og átti tvær stoðsendingar þegar Skanderborg vann Fredericia HK, 37:30, á heimavelli í dönsku úrvalsdeildinni í handknattleik í gærkvöld.
- Skanderborg situr í þriðja sæti dönsku úrvalsdeildarinnar með 20 stig eftir 16 umferðir. GOG hefur einnig 20 stig en Mors-Thy er í öðru sæti með 21 stig. Aalborg Håndbold er efst með 32 stig eftir 16 leiki.
- Arnór Viðarsson var markahæstur við annan mann hjá HF Karlskrona þegar liðið vann IFK Skövde, 30:24, á heimavelli í sænsku úrvalsdeildinni í gærkvöld. Arnór skoraði sjö mörk í 11 skotum.
- Arnór og félagar í Karlskrona færðust upp í 7. sæti sænsku úrvalsdeildarinnar með sigrinum. Liðið hefur 15 stig eftir 14 leiki. Malmö er efst með 24 stig.
- Viktor Petersen Norberg skoraði þrjú mörk og gaf átta stoðsendingar í 34:34-jafntefli HC Elbflorenz við Dormagen í 2. deild þýska handknattleiksins í gærkvöld. HC Elbflorenz er í öðru sæti deildarinnar með 24 stig eftir 15 stig. Bietigheim er efst með 24 stig og á leik inni á HC Elbflorenz.
Vinsælt lesefni:
- Auglýsing -
