- Auglýsing -
- Norska landsliðskonan Live Rushfeldt Deila hefur skrifað undir nýjan samning við danska úrvalsdeildarliðið Team Esbjerg. Samningurinn gildir fram á mitt árið 2028. Rushfeldt Deila varð heimsmeistari á sunnudaginn en hún er auk þess Ólympíu- og Evrópumeistari með norska landsliðinu.
- Systir Live, Thale Rushfeldt Deila, leikur með hinu stórliði danska kvennahandknattleiksins, Odense Håndbold. Hún gengur til liðs við Evrópumeistara Györi í Ungverjalandi í sumar.
- Kim Johansen þjálfari Skanderborg, sem landsliðsmaðurinn Kristján Örn Kristjánsson, Donni, leikur með, hefur ákveðið að segja starfi sínu lausu í lok þessa keppnistímabils eftir að hafa þjálfað liðið með góðum árangri í tvö ár.
- Dönsku landsliðskonurnar Rikke Iversen og Sandra Toft léku ekki með danska landsliðinu á HM sem lauk um síðustu helgi en báðar voru þær óléttar þegar mótið hófst. Börn þeirra beggja komu í heiminn síðasta föstudag. Iversen eignaðist dreng en Toft stúlku. Báðar landsliðskonur setja stefnuna á að vera með danska landsliðinu á EM að ári liðnu.
- Danska landsliðskonan Michala Møller hefur samið við ungverska liðið FTC sem Jesper Jensen fyrrverandi landsliðsþjálfari stýrir um þessar mundir. Møller lék undir stjórn Jensen hjá Esbjerg.
- Beatrice Edwige landsliðskona Frakka hefur yfirgefið danska liðið Ikast eftir að hafa leikið með liðinu fyrir áramót þegar tveir af línumönnum liðsins voru fjarverandi vegna meiðsla. Edwige, sem er 37 ára gömul línukona, er þar með án félags og óvíst hvað hún tekur sér fyrir hendur.
Vinsælt lesefni:
- Auglýsing -
