- Auglýsing -
- Serbneski landsliðsmarkvörðurinn Dejan Milosavljev hefur samið við pólska liðið Industria Kielce fram til ársins 2030. Milosavljev kemur til Kielce næsta sumar frá Füchse Berlin í Þýskalandi.
- Danski landsliðsmaðurinn Emil Madsen leikur ekki fleiri leiki með THW Kiel á þessu keppnistímabili. Madsen meiddist á undirbúningstímanum í sumar en náði að jafna sig og lék nokkra leiki með liðinu í haust áður en meiðslin gerðu vart við sig á nýjan leik. Madsen gekkst undir aðgerð á hné á dögunum. Stjórnendur THW Kiel segja að ekki sé von á Madsen til baka fyrr en á næstu leiktíð.
- Slóvakinn Tomáš Hlavatý tekur við þjálfun franska liðsins Brest Bretagne í sumar. Samhliða nýja starfinu verður Hlavatý áfram þjálfari kvennalandsliðsins Tékklands. Hlavatý, sem er 37 ára gamall, var síðasti þjálfari norska stórliðsins Vipers Kristiansand áður en það varð gjaldþrota í upphafi árs 2024 og einnig þjálfari þýska liðsins HB Ludwigsburg sem fór sömu leið og Vipers. Um tíma var Hlavatý þjálfari rússneska meistaraliðsins Rostov Don.
- Norski landsliðsmaðurinn Kent Robin Tønnesen meiddist í bikarleik Flensburg og Magdeburg fyrir helgina. Hann verður frá keppni næstu vikurnar, jafnvel mánuði af þessu sökum.
- Auglýsing -
