- Auglýsing -
- Hákon Daði Styrmisson skoraði þrjú mörk í sjö skotum í síðasta leik sínum með þýska liðinu Eintracht Hagen í gær. Hann flytur heim um áramótin eins og margoft hefur verið sagt á síðustu vikum. Hagen tapaði leiknum í gær fyrir Potsdam, 31:28, á heimavelli í þýsku 2. deildinni. Hagen er í sjötta sæti með 21 stig að loknum 17 leikjum.
- Viktor Petersen Norberg skoraði tvö mörk í fimm skotum í stórsigri liðs hans, Elbflorenz, á Dessauer HV, 32:34, í þýsku 2. deildinni í handknattleik í gær. Elbflorenz í efsta sæti 2. deildar með 28 stig eftir 17 leiki, er stigi fyrir ofan Balingen og Bietigheim sem leika í dag.
- Tjörvi Týr Gíslason skoraði fjögur mörk í fimm skotum í enn einum tapleik Oppenweiler/Backnang í þýsku 2. deildinni í gær. Liðið tapaði fyrir N-Lübbecke, 39:32, á heimavelli. Oppenweiler/Backnang rekur lestina í deildinni með aðeins tvö stig eftir 17 leiki.
- Dagur Sverrir Kristjánsson skoraði ekki mark þegar lið hans, Vinslövs HK, vann Enköping, 33:31, í Allsvenskan, næstefstu deild sænska handknattleiksins í gær. Þetta var annar sigur Vinslövs í röð og er liðið í 13. og næst neðsta sæti deildarinnar með fjögur stig eftir 14 leiki. Enköping rekur lestina án stiga.
Vinsælt lesefni:
- Auglýsing -
