- Auglýsing -
- Elmar Erlingsson kom talsvert við sögu þegar lið hans Nordhorn-Lingen lagði Krefeld, 29:26, í síðasta leik ársins í 2. deild þýska handknattleiksins í gær. Elmar skoraði fjögur mörk í fimm skotum, gaf fjórar stoðsendingar og var vikið tvisvar af leikvelli er meðal þess skráð er á Elmar þegar leikurinn var gerður upp.
- Nordhorn situr sem fyrr í 5. sæti 2. deildar. Liðið hefur nú 25 stig eftir 17 leiki. Elbflorenz og Bietigheim eru efst og jöfn að stigum með 28 stig hvort.
- Storhamar varð norskur bikarmeistari í handknattleik kvenna í gær. Liðið lagði Larvik í hörkuleik, 37:36. Eins og í úrslitaleik karla fyrr um daginn þurfti vítakeppni til þess að knýja fram úrslit og sigur á annan hvorn veginn. Storhamar, sem einnig vann bikarkeppnina fyrir ári, vann vítakeppnina, 9:7, eftir að komið var út í bráðabana.
- Í kvöld verður leikið til undanúrslita í dönsku bikarkeppninni í kvennaflokki. Viborg og Esbjerg mætast í fyrri viðureigninni en Odesene Håndbold og Ikast Håndbold í þeirri síðari. Úrslitaleikurinn fer fram á morgun.
- Sænski hægri hornamaðurinn Daniel Pettersson hefur skrifað undir nýjan samning við þýska handknattleiksliðið SC Magdeburg. Pettersson, sem er 33 ára gamall, hefur verið leikmaður Magdeburg í níu ár.
Vinsælt lesefni:
- Auglýsing -
