- Auglýsing -
- Lasse Andersson, landsliðsmaður Danmerkur og leikmaður Füchse Berlin, leikur ekkert með í vináttuleikjum Dana við Noreg í dag og heldur ekki gegn Grikkjum á sunnudag. Andersson tognaði á kviðvöðva nokkru fyrir jól og hefur síðan ekkert komið nærri handbolta. Hann reiknar ekki með öðru en að verða klár í slaginn með danska landsliðinu á EM.
- Ungur sænskur markvörður, Emil Holmberg Schatzl, hefur samið við danska úrvalsdeildarliðið TTH Holstebro sem Arnór Atlason, aðstoðarþjálfari karlalandsliðsins, stýrir. Schatzl kemur til Jótlands í sumar frá sænska liðinu Alingsås HK. Eins og fram kom á dögunum þá bætist portúgalski markvörðurinn Gustavo Capdeville einnig í hópinn hjá Arnóri í sumar.
- Fyrrverandi landsliðsmarkvörður Dana, Søren Rasmussen, er markvarðaþjálfari TTH Holstebro.
- Norska landsliðskonan Ragnhild Valle Dahl hefur ákveðið að færa sig á milli félaga í dönsku úrvalsdeildinni í sumar. Hún kveður Odense Håndbold og heilsar nýjum samherjum hjá Viborg.
Vinsælt lesefni:
- Auglýsing -
