Sverrir Eyjólfsson hefur verið ráðinn aðstoðarþjálfari karlaliðs Stjörnunnar í handknattleik út yfirstandandi tímabil. Sverrir tekur við starfinu af Arnari Daða Arnarssyni, sem var sagt upp störfum um jólin en heldur áfram sem aðstoðarþjálfari kvennaliðs Stjörnunnar.
Þetta kemur fram í tilkynningu frá handknattleiksdeild Stjörnunnar. Sverrir er fyrrverandi leikmaður Stjörnunnar og hefur sömuleiðis sinnt hinum ýmsu störfum fyrir félagið.
Breytingar á hlutverki Arnars Daða
Þekking og sterk tenging við Stjörnuna
„Sverrir er öllu Stjörnufólki vel kunnugur, bæði sem fyrrverandi leikmaður og fyrir störf sín innan félagsins, og kemur inn í teymið með mikla reynslu, þekkingu og sterka tengingu við Stjörnuna.
Stjarnan býður Sverri velkominn til starfa og hlakkar til samstarfsins!“ segir í tilkynningunni.
Sverrir var þjálfari karlaliðs Fjölnis 2022 til 2024. Hann hætti hjá Fjölni eftir að stýrt liðinu til sigurs í umspili um sæti í Olísdeildinni vorið 2024.
