Norðmaðurinn Bjarte Myrhol hefur tilkynnt að hann hætti þjálfun karlaliðs Runar Håndball að yfirstandandi keppnistímabili loknu. Undir hans stjórn varð Runar norskur bikarmeistari á síðasta tímabili og hafnaði í þriðja sæti úrvalsdeildinni.
Í tilkynningu á heimasíðu Runars sagði Myrhol ástæðuna fyrir því að hann hverfi á brott í sumar vera þá að erfitt reynist að finna jafnvægi í því að þjálfa afrekslið, kenna og sinna fjölskyldunni um leið.
Meðfram fullu starfi sem þjálfari Runars hefur Myrhol, sem er 43 ára, verið í fullu starfi við kennslu undir merkjum Learn Handball auk þess að vera þriggja barna faðir.
Bindur enda á ferilinn í bili
„Ég vil gera mitt allra besta í hverju því sem ég tek mér fyrir hendur. Hins vegar hef ég áttað mig á því að ég get ekki fundið jafnvægi á milli þess að vera þjálfari í fullu starfi, í vinnu hjá Learn Handball og föðurhlutverksins.
Af þeim sökum tel ég það besta í stöðunni fyrir mig að binda enda á þjálfaraferil minn í bili,“ sagði Myrhol um ákvörðunina.
