HK hélt sínu striki á toppi Grill 66 deildarinnar í handknattleik kvenna með öruggum 31:26 sigri á FH í Kórnum í 13. umferð deildarinnar í kvöld.
HK er í efsta sæti með 24 stig og FH er í fimmta sæti með tíu stig.
FH var einu marki yfir að loknum fyrri hálfleik en HK tók leikinn svo yfir í þeim síðari og vann með fimm mörkum.
Grótta fékk Fjölni í heimsókn á Seltjarnarnes og vann sömuleiðis öruggan sigur, 27:20,
Grótta heldur kyrru fyrir í öðru sæti og er með 22 stig. Fjölnir er í sjötta sæti með átta stig.
Grótta var fimm mörkum yfir, 14:9, í hálfleik, hélt svo sama dampi í síðari hálfleik og vann að endingu með sjö mörkum.
Úrslit leikja kvöldsins og markaskor
HK – FH 31:26 (14:15).
Mörk HK: Tinna Ósk Gunnarsdóttir 8, Inga Fanney Hauksdóttir 6, Katrín Hekla Magnúsdóttir 3, Hekla Fönn Vilhelmsdóttir 3, Sóley Ívarsdóttir 2, Auður Katrín Jónasdóttir 2, Valgerður Ýr Þorsteinsdóttir 2, Jóhanna Lind Jónasdóttir 2, Danijela Sara B. Björnsdóttir 1, Leandra Náttsól Salvamoser 1, Hekla Sóley Halldórsdóttir 1.
Varin skot: Danijela Sara B. Björnsdóttir 8, Tanja Glóey Björnsdóttir 1.
Mörk FH: Thelma Dögg Einarsdóttir 9, Eva Guðrúnardóttir Long 6, Gyða Kristín Ásgeirsdóttir 5, Hafdís Hera Arnþórsdóttir 2, Ragnhildur Edda Þórðardóttir 2, Dagný Þorgilsdóttir 1, Telma Medos 1.
Varin skot: Sonja Szöke 16.
Grótta – Fjölnir 27:20 (14:9).
Mörk Gróttu: Karlotta Kjerúlf Óskarsdóttir 6, Ída Margrét Stefánsdóttir 5, Katrín S. Scheving Thorsteinsson 4, Elísabet Ása Einarsdóttir 4, Þóra María Sigurjónsdóttir 2, Arndís Áslaug Grímsdóttir 1, Anna Karólína Ingadóttir 1, Katrín Helga Sigurbergsdóttir 1, Lilja Hrund Stefánsdóttir 1, Edda Steingrímsdóttir 1, Edda Sigurðardóttir 1.
Varin skot: Anna Karólína Ingadóttir 12, Andrea Gunnlaugsdóttir 8.
Mörk Fjölnis: Sara Kristín Pedersen 5, Berglind Benediktsdóttir 4, Stefanía Ósk Engilbertsdóttir 4, Vera Pálsdóttir 3, Hildur Sóley Káradóttir 1, Tinna Björg Jóhannsdóttir 1, Karólína Ósk Arndal Sigurlaugardóttir, Matthildur Lóa Baldursdóttir.
Varin skot: Signý Pála Pálsdóttir 3.
Staðan og næstu leikir í Grill 66-deildum.
