- Auglýsing -
Heimsmeistarar Danmerkur hófu keppni í B-riðli Evrópumóts karla með stórsigri á Norður-Makedóníu, 36:24, í Jyske Bank Boxen í Herning í Danmörku í kvöld.
Danmörk mætir næst Rúmeníu á sunnudag.
Danir voru fimm mörkum yfir, 17:12, í hálfleik, og hertu einungis tökin í síðari hálfleik, sem endaði með tólf marka sigri.
Simon Pytlick var markahæstur hjá Danmörku með níu mörk og skammt undan var Mathias Gidsel með átta mörk. Emil Nielsen varði tíu skot í markinu.
Martin Serafimov var markahæstur hjá Norður-Makedóníu með sex mörk.
- Auglýsing -
